Apple ដាក់ចេញកម្មវិធីថ្មីគឺ iOS 6.1
ក្រុមហ៊ុន Apple បានផ្សព្វផ្សាយកាលពីថ្ងៃច័ន្ទ
ទៅលើកម្មវិធីដ៏សំខាន់របស់ខ្លួន គឺ iOS 6
ដែលបានលើកកំពស់ទាំងសម្លេងនិងប្រព័ន្ធសម្រាប់ចាប់សញ្ញាពីរលក
ធាតុអាកាស
ព្រមទាំងបានជួសជុលទៅលើកំហុសរបស់បចេ្ចកទេសមួយចំនួនផងដែរ។ iOS
6.1 ដែលចេញមកបន្ទាប់ពីការសាកល្បងកែច្នៃនៃប្រព័ន្ធបេតាប្រាំ
ក្រោយពីបានដាក់អោយប្រើប្រាស់iOs 6 កាលពីខែកញ្ញា។ រួមបញ្ចូលទាំង
4G LTE សម្រាប់ទ្រទ្រង់កម្មវិធីបន្ថែមទាំង៣៦របស់ iPhone
និង២៣ផ្សេងទៀតទៅលើ iPad។
បន្ថែមពីនេះទៅទៀតអ្នកប្រើប្រាស់ទូរស័ព្ទ iPhone
ក្នុងសហរដ្ឋអាមេរិក ឥឡូវនេះអាចទិញសំបុត្រចូលមើលកុនតាមរយៈ
Fandango ដោយកម្មវិធីនេះបាន
ហើយថែមទាំងអាចទាញយកចំរៀងផ្សេងៗចូលមកក្នុងឧបករណ៍ iOS ពី iCloud
(ទិន្នន័យក្នុងពពក) ទៀតផង។
ដើម្បីទាញយកកម្មវិធីនេះ បើកទូរស័ព្ទដៃរបស់អ្នកដោយចូលទៅក្នុង
Setting រួចជ្រើសរើសពាក្យ General។
ការផ្តល់ទិន្នន័យថ្មីនឹងឃើញមានតាមរយៈ Software Update
ដែលបង្ហាញនៅលើអេក្រង់ទូរស័ព្ទ។ ទោះជាយ៉ាងនេះក៏ដោយ
អ្នកប្រើប្រាស់គួរតែរក្សាទំហំនៃកន្លែងទុកកម្មវិធី iOS 6.1
ដែលអាចត្រូវការយ៉ាងហោចណាស់ ១GB
ដូច្នេះអ្នកអាចរៀបចំទូរស័ព្ទរបស់អ្នកមុននឹងធ្វើការទាញយកនេះ។
0 comments